دنیز

ترکی شعرلر

دوغوم گونون

بوگون سنین دوغوم گونون ، موبارک اولسون مله ییم

 

لاییق اولان هدیه سنه واردی جانیم آل چیچه ییم

 

شادلیق ایچینده بوغولوب ، پیس گونه حسرت قالاسان

 

بودور منیم حایاتداکی تک بویوک آرزوم دیله ییم

 

آیری دا اولساق گوزلیم اونودمارام آد گونونو

 

چونکو کونول دن سئوه نی اولسه اونودماز اوره ییم

 

دوغوم گونون بوگون آما یوخدور الیمده اللرین

 

سئومه ییرسن سئومه منی سئوگی ده اولماز گره ییم

 

سئوگیمی یار اینان گینان هئچ کیمه تای بیلمه منی

 

عاشیقینم بودور منیم سندن اولان تک ایسته ییم

 

اگر یاری خوشبخت ائده بیلمه یه جم آیری دوشاق

 

سنده یارین قیسمتینی خوشبختلیه یاز فله ییم

 

شاعیر : وحید شکرزاده

+ نوشته شده در  89/09/25ساعت 5:47 PM  توسط ناصر قربانی اوری  |